|
|
|
Léargas ar an Táirge
Cuimsíonn earra bog ClarisWorks riachtanais úsáideoirí Macintosh agus Windows i
dteannta a chéile! Tá sé ar an earra bog is fusa le láimhseáil dá shórt,
agus cuirtear comhairle ghairmiúil ar fáil mar thaca leis, in aon phacáiste
cumasach amháin. Cuideoidh Cúntóirí ClarisWorks agus a 150 Aicearra leat
an obair is casta a dhéanamh, agus cuirfidh siad sainchomhairle ar fáil
duit, maidir le dearadh agus leagan amach doiciméad. Coiglíonn dearadh
sainiúil an earra bhoig áirithe seo spás diosca, agus is é ClarisWorks an
t-aon phacáiste amháin a bhfuil na leaganacha Macintosh agus Windows de
lán-oiriúnach dá chéile.
Príomhbhuanna
Aon Fheidhmchlár Cumasach amháin
Próiseálaí focal a bhfuil gnéithe ann a ligfidh duit téacs, cnámha
doiciméid, scarbhileoga cairteanna, sleamhnáin, saothar grafaice, agus
péinteála a úsáid sa leathanach ceanann céanna! |
Formáidiú Ildánach
Cruthaigh doiciméid fhada chasta a mbeidh an iliomad rannóg iontu -- le
himill, colúin, eangú, ceanntáisc agus buntáisc (ar clé, ar dheis, nó ar
leathanaigh ar aghaidh a chéile), spásáil línte, agus comhfhadú dá cuid féin
ag gach aon rannóg faoi seach. |
Comhairle Ghairmiúil agus Uathoibriú chun Am a Shábháil
Saincheap táib, imill, eangú, spásáil línte, uathfhleiscíniú, comhfhadú.
Cruthaigh íomhá úr le clónna éagsúla, stíleanna éagsúla, agus toisí éagsúla
páipéir. |
Láimseáil agus Tuairisciú Éasca ar Bhunachar Sonraí
Rognaigh, grúpáil, sainaithin díreach na sonraí áirithe atá uait. Eagraigh
eolas go tapa, le cumas uathshórtála. Cruthaigh lipéid seolta gan aon dua
in aon chor. |
Roinn Comhaid le daoine a úsáideann Ríomhairí agus Feidhmchláir de dhéantús
eile
Oscail an doiciméad céanna i gClarisWorks do Mhacintosh nó do Windows 95.
Is é an comhéadan ceanann céanna a léireofar ar do scáileán. Roinn comhaid
i bpáirt le húsáideoirí eile a bhfuil feidhmchláir choitianta de chuid
Macintosh, Microsoft, Windows, nó DOS acu. |
Uirlisí Scarbhileoige agus Cairte
Cuirfidh 100 feidhm insuite ar do chumas anailís a dhéanamh ar shonraí de
réir dátaí, ama, cúinsí matamaitice, staitisticiúla, airgidis, loighciúla,
nó téacs. Cruthaigh cairteanna de dhosaen cineál éagsúla. Cuir dathanna
isteach, feidhmeanna 3-D, grádáin, lipéid, chun cairteanna a fhormáidiú. |
Cóipcheart © 1994-1996, Claris Corporation. Gach ceart ar cosaint.
Trádmharcanna Claris.
Trádmharcanna Apple.
Fochomhlacht de chuid Apple Computer, Inc. is ea Claris. Cóiriú Gaeilge forbartha ag EGT.
|
